Chinatown makes me happy

Yes rockon, Sonen chline quirlige Chines imene Fotigschaeft in Chinatown haet alli mini Fotene und Videos grettet :) und das noed aemol fuer 20 Dollar! Drum gang ich nochene gad ae Fruehligsrolle go aessae oder besser gseit gad aes ganzes chinesisches Meal - yeeeesssssss!

Back in Civilisation

G'Day Mates,


Knapp 2 Wuche bin ich zwueschet Byron Bay und Fraser Island unterwaegs gsi. Aes isch wieder vill passiert... Abstuerz mit brutale Hangover am naechschte Tag und stille Oebig im Backpacker mit Gsellschaftsspieli. Tage mit 2 Meter groessere Waelle und Tage mit ueberhaupt kei Waelle. Fotokamera gfuellt mit ueber 400 Fotene und LEERI Fotikamera... aber alles dae Reihe nah (verdammt jetzt muen ich mich wieder mal gedanklich astraenge;)


Vor einiger Ziit simmer vo Byron uf Surfers Paradise ufbroch. Surfers Paradise isch aen Richtige Schandflaecke a dae Australische Ostkueschte (jedefalls fuer mich). Nur Hochhueser und Backpacker wo sich betrinket und nachene denand uf dae Grind gend. Total tragische Ort, drum bin ich au nur 2 Taeg deta blibe und daenn alleige wiitergange. Aber i dene beide Taeg han ich voll abgrockt. Bin keis einzigs mal ufem Surfbraett gstande sondern nur am pardy mache gsi (guet aes haet au kei waelle gha... nur sideshore wind die ganzi ziit\)


Wiiter ueber Brisbane nach Noosa. Wunderschoene Ort anere Flussmuendig. Bin 3 Taeg deta blibae, eifach traumhaft. In Tag ineglaebt, ruhigi oebig verbrocht, am Morge frueh ufgstande, go wandere, go surfe - Laebe gnuesse. Ha au serschtmal Schwiizer in Australie troffe. Isch ganz luschtigi Ziit gsi. In Noosa han i au dae Trip uf Fraser Island buechet. Aen 3 Tages Trip mitemene eigene 4x4, Aesse, Trinke und Zaelt.



Vo Rainbow Beach isches daenn mit dae Faehre uf Fraser Island gange. Mir haend ae ganz ae luschtigi Gruppe gha. 2 us Aengland, 3 us Holland, 4 us Duetschland* und 2 us dae Schwiiz. Guet diae Duetsche sind wiedermal total kompliziert gsi (*und waemmer gad bim Thema sind, gopfertammi, ueberall ghoersch hochduetsch und die sind soo unglaublich kompliziert und grauehafti miesmacher, die meischte waehred gschider diheime blibe, sodeli ich bins losworde - die guete duetsche chasch a einere Hand choene abzelle....) So wieder zrugg uf Fraser. Zrugg an Sandstrand, ueber schoeni Walder zu kristallklare Suesswasserseen. Am Abig isches daenn hindere Sandduene i eusem wild camping richtig abgange. Trinkspiele wie zu Davosziite und jetzt chunts, verdammt nonemal ich choent immer noh hueele. Da gib ich doch mini Kamera anere Hollaenderin zum aes Foti mache und was macht SIIIEEE, SIEEEEEEE loescht alli mini Bilder vo mine Kamera. Futsch aus Ende AMEN :( Sogar als Softwareverchaeufer mit dae entsprechende Software und jenschtes probiere has noed gschafft die wieder herzstelle!!!! JEDI HILF ISCH WILLKOMMEN - mail an stupiddutchonfraser@c.u.n.t.com oder so...

Immerhin laeb ich noh, oder so :(

Anyway, uf jedefall isches nochene wiitergange, vo Rainbow Beach nach Brisbane. Da bin i im Moment immernoh. Isch ae schoeni Stadt mit luschtige Luuet. Langsam aber sicher bin ich Spielsuechtig (nei noed im ernscht, but ich redes mir mir langsam iii) Ha mini Pokerhand am 2 Abig is Casino bewegt, amene luschtige Pokertisch platz gnoh und mit allne Luuet afange rede. Ha richtig entertaineret und aes isch en ganz glatte Abig gsi, doch leider han ich 150 Abeltasman-Dollar verlore. Full House (ich) gaege POKER. Anyway, dafuer haend mich die dudes nochene uf Drinks iglade. Wiiter id Clubs bis schlussendlich bim einte i dae WG diheime... Rock Brisbane - yeah.

Und huet Abig han ich mit em Misch (dae Uswanderer us Jona :) abgmacht. Mir goend aes paar Bierli go trinke.

Okkeli dokkeli Ladies and Gentlemans, habe fertig fuer diesen Blogg Eintrag.

In diesem Sinne machens Sie es wohl und bis bald einmal.

Alex and the koalas

G'day mates,

How are you?

I'm absolutly fine at the moment. Lazzy doing, surfing and get waisted... :) The sun shines out of my :)

Bin immernoh in Byron Bay am rocke und surfe. Isch traumhaft, wie im Paradies. Mittlerwila kaenn ich scho raecht vill Luuet. Gang immer mit es paarne Jungs go surfe und am Abig isch au irgendwo Party agseit. Guet ein Club wird ich sicher nueme Bsueche. Diae haend mi scho 2x usegruert. Anschinend bin ich zbsofe gsi, stimmt zwar noed, aber janu. Die wuesset eifach noed was rocke heisst ;)

Vor aes paarne Taeg bin ich in Nimbim gsi. Ae chlises Kaeffli wos nume Hippies und Alternativi haet. Ueberall buetets Droge oder Haschcake a. Isch noh luschtig gsi zum dae Freiluft Zirkus azluege. Paar Stunde spoeter simmer anen Maert im Nirgendwo gange. Dae Maert isch riese Gross gsi und dae groeschti Teil haend dhippies usgmacht ;) Ueberall haets oepis zum luege, lose oder chaufe gaeh. Chillig und relaxt.

Sodelli, morn wird ich Byron Bay verlah und richtig Surfers Paradise ufbraeche. Mir goend go surfe und inen Vergnuegigspark alla Europapark. Have a look. Lookin' good.

Also machets guet und vill Spass bim Schaffe (au dae Roman) - hahaha

Peace out - soonds

Sydney to Byron Bay

Lookin' good

Sodelli, bin back in civilization. Diae letscht Wuche bin ich uf dera Surftour vo Sydney nach Byron Bay gsi. Jede Tag haemmer imena Nationalpark uebernachtet. Traumhafti Landschaft und noh vill besseri Waelle, vorallem am Mittwuch. Killer 6 ft Waelle sind an Strand krachet und ich han sogar 3 gueti verwuetscht. Die Wuche isch aber sehr schnell umegange. Jede Tag frueh ufgstande (am Morge am halbi 8i) dae ganz Tag go surfe und am Abig total go abrocke - waisted ;)

Mittlerwila han ich mini Konditi0n wieder uebercho und chan wieder Stunde ufem Wasser verbringe. Eimal isch ganz heftig gsi. Bin ich 2 mal hinterenand vo Waelle duregspuelt worde. Ha nur aes paar Sekunde gha zum Luft hola und daenn isch scho diae naechschti cho... Ja das mit em Surfe haet mich voll packt. Ha gad huet aes eigenes Surfboard, JS 6'2 kauft. Naegscht Wuche gang ich mitemene Duuetschae Riese (dae siech isch ueber 2 Meter) Richtig Norde. Er haet en eigene Van. Die Story isch eigendlich noh luschtig. Mir haend eus in Sydney imene Backpacker troffe und geschter Abig wieder in Byron Bay imene Club... Ganz guete Abig gsi, voll abgrockt.

Sorry das ich aechli aen durenand schribe, han immernoh aen sturme Chopf. Ehrlich gseit, wuesst ich noh vill vill meh zum schribe, ha sovill erlaebt, aber ich bin eifach aechli dure. Lookin good - fuckin' a....

Sodelli, gang mi go parat mache, bald isch halbziit vo dae high tide und das heisst, dwaelle werdet wieder azieh. Juhuiiiii.

Also pace y flores und loend dfinger vo Droge (ich wirds au mache waenn ich morn uf Nimbim gange - http://www.nimbinaustralia.com/ ;)

Lost

Hey bro'

Han aendlich min Arsch wiedermal ines Internet-Kaffi, resp. zum blog-schribe bewegt.

I dae letschte paar Taeg/Wuche isch wieder einiges spannends ufregends, fuer eu villicht langwilligs, ja wie au immer... jedefalls isches ae so gsi...

Vor einiger Ziit, weiss dae tuuefel waenn (ha leider sziitgfuehl aechli verlore) bin ich zrugg uf Mount Maunganui gange. Im Backpacker icheckt und schlussendlich bimene mate vo mir diheime gschlafe. Am naeschte Tag bin ich eifach min Rucksack go hole und bin bi im fuer aes paar Taeg, resp. knapp 2 Wuche izoge. 2 Taeg spoeter isch aen andere Mate vo mir, dae Damian au noh ueberraschend verbicho. Die Ziit isch super luschtig gsi... schlafe, surfe, trinke, guguluggu, lache... Ha eigendlich nur wellae ae Wuche deta blibe, but however :) Ha aes paar mal mini alti Homestay bsuecht und saelbschtverstandlich noh einisch kochet. Dae Abig haet sich sehr luschtig gschtaltet, aes isch wie aes heicho. Ich ha wuerkli diae beschti Homestay gha - thanks Rosemarie, Haiden und Nicole. Aber vor 3 Taeg han i muessa adieu saege. Das isch au an richtig glatte Abig gsi. I'm lokale Pub isch Poker Turnier gsi, as always han i mitgspillt und bin erschte worde. D.h. 150 Dollar Cash und 50 Dollar Bartab... Wills min letschta Abig gsi isch han i ae Rundi spendiert

Jetzt sitz ich in Australie, besser gseit in Sydney. Ha geschter Abig raecht gas gaeh und drum han i huet, eimal meh, aechli aen hangover. But anyway... bin dae ganz Tag scho am umetschalpe und Foeteli mache. Ich fuehl mich richtig wohl i derae Stadt, smiling all day long oder so ;)

Am naechste Maentig wird ich Sydney verlah. Ha ae Surftour buechet. Innerhalb vonere Wuche vo Sydney nach Byron Bay. Jede Tage zwueschet 4-6 Stunde surfe und jede Tag amene andere Ort. Hammer und dae Priis stimmt au. Mal luege wies in OZ isch zum cruise oder durespuella lah ode so. Und nochene, hmmm, wie immer kei ahnig... tribe lah :)

Sodelli muen langsam wiiter gah, ha noh so einiges vor. Ich meine all die Sache go poschte wo ich leider in Neuseeland ligge lah han, wie immer, verdammt...

Take care mates, dae Summer chunt bald und ich bin daenn au wider zrugg.

Ah ja, ha serscht mal i mim laebe dae afang vomene Raegeboge gseh - hammer

Love Peace und Bluemli

Back in the land of the white cloud

Hola amigos,

Here i am, back again...

Sitt knapp einere Wuche bin ich wieder zrugg in Neuseeland. Fiji isch unvergesslich gsi und wirds blibe. Die Ziit isch so super guet gsi... und aes gaht gad schlag uf schlag wiiiter. Back in Neuseeland, back in Auckland. Am erschta Abig gad emol richtig abgrockt. Noed imene Club sondern im Casino. Bin Nudel fertig gsi vo dae Fiji und ha nur husch wella as paar Poker Haend im Casino go spille. Schlussendlich bin ich bis knapp am Morge am 3 deta ghocket und han i dera Ziit aes paar Luet usgnoh (teil vo dena sind wie eine gseit haet, a part of the furniture im Casino)... Mit sage und schreibe 641 Dollar han ich mich vom Cassier verabschiedet. Let's go to bed- juhuiii! I dere Nacht han i alli mini Poker Casino gwuenn zamagraechnet und bin uf ae beachtlichi summe vo gaege 2000 Dollar cho. Pokere in Neuseeland - wicked :)

Am naechste Tag han i soo vill vorgha. Im Museem gsi - hopp alinghi - haar gschnitte (so churz wie scho lang nueme) - neui Digital Kamera kauft... Ha min ganze gwuenn investiert :) am Abig bin ich wieder go abrocke clubbing. Isch cheibe glatt gsi - i love auckland.

Ufem Waeg vo Auckland nach Pahiai simmer noh innere Bird Sanctuary gsi. Eifach super laessig gsi. Detta haets aen spraechende Tui Bird gha, dae haet sogar dae Wag ufs WC... choene erklaere. Aber s'beschte isch gsi, das i han doerfe aen Kiwi Vogel alange. Eifach unbeschriblich - i love Kiwi Birds

Sitt 2 Taeg bin ich i dae Bay of Islands. Geschter wieder voll d Kante gaeh bis weiss gott noed waenn am morge frueh. Am huetige Tag bin ich ufere 12 Stundige Bustour as Kap Reinga gsi. Vill Beach, Kaori Baum, 90 Miles Beach und und und gseh und erlebt. S'beschte aber isch Sandduene Boarde gsi, hammmmmer. Sweet as... Voll dsandduene abedunneret, wicked.

Sodelli, now i'm ready for partying again mit mine neue Mates vo Canada, Staate und Holland. Let's rocken rollllll.

Ines paar Taeg gang i zrugg uf Auckland und daenn wiiter uf Mount Manganui, oder resp. wieder zrugg an Ursprung vo minere Reis in Neuseeland. An Mate vo mir isch momentan im Spital haet sich operiere lah. Chraebs isch leider in Neuseeland a dae Tagesordnig. Ich wird vorrussichtlich 1 Wuche deta blibe, befor ich uf o.z. wiitergange - yes baby, aber ich vermisse jetzt scho Neusseeland. blablablabla in diesem Sinne haltet d'Ohre stief und goend fuer Eusi Bundesraeting Frau Papa Schlumpf go demonstriere :)

Pace y flores mates - take care.

Hangovers in Paradies

Bula friends,

Sit aes paar Taeg bin ich uf dae Fiji und gnuessae slaebe in volle zueg. Da Afang, resp. direis isch abentuerlich gsi. Sie haend mi voll usenand gnoh, cheibe abentuerlich gsi, mit frage durchloecheret worde und schlussendlich haends mi daenn doch mit mim gepaeck inelah - heieiei. Ohni Plan und Backpacker bin ich i dae Empfangshalle gstande, aber churz drufabe bin ich scho immenae Buessli ghocket und Richtig Nadi Beach ines Backpacker gfahre worde. Am Abig han i serschtmal iheimische Spiritus probiert und mich mit aes paar Englaender agfruendet, ganz gueti luschtigi (fuessballhooligans) cheibe.

Am Tag druf bin ich uf Beachcomber (http://www.beachcomberfiji.com/) gfahre, ae ganz ae chlini Insle vor dae Kueschte usse mit aem groeschte Dorm wo ich je gschlafe han - ueber 100 chnoeche i eim riese Zimmer... Uf dera Insle haets alles nur Aenglaender gha, cheibe speziell gsi. Siehe da, mir nichts dir nichts am Nummitag sind mini Englischi Bruedere (sie haend mir jedefalls lieblingsbrueder us dae Schwiiz gseit) uftaucht. Mir haend 2 verdammt laessigi Taeg und Aebig verbracht. Au mit em Sacha eine us dae Rommandie und allne andere uf dera Insle, eifach hammer luschtig und Hangoverig gsi.

Geschter bin aes paar Insle wiitergfahre uf Manta Ray. Ha mi gad vo afang ah mit aem Gepacktraeger agfruendet und am Nummitag haet er mich iglade zum go fische, mit dae Harpunae. Aen rissa Spass gsi. Mir haend zaeme zNachtaesse fuer sini Familie gjagdt. Da Abig isch relativ ruhig verlaufe, noed so wie uf Beachcomber bis i alli fruehae Morgestunde party, janu haet richtig guet tue. Ich gang ja schliesslich morn Abig uf sWuchenaend wieder zrugg go rocke - oh yes, das wird cheibe luschtig, will praktisch alli luet wo ich kaenne glaernt han sind detae blibe, das git mer aes ganz a guets wiedersehbier 2,3,4.... hihihii

Sodelli, langsam muen ichs wieder haue, ab in Raege use, cheibe waetter umsturz, janu. Dafuer isches a bitz agnaehmer.

Take care my friends ich maeld mich bald wieder. Am Maentig gahts zrugg uf Neuseeland noh fuer aes paar Wuche, befors heisst ab nach Auschtralie...

Piiis und Bluemli,
Alex

Out of nature

Heitere bimbam mates,



Ha scho längeri Ziit nüt meh vo mir ghöre lah... danke für die Erinnerigsmails.



Here i go.... vill Natur gseh, i dä Bergä gsi, uferä Insle gsi, sAuto abgschleppt worde, Pinguine beobachtet, sAuto usgraubt worde und jetzt hungrig im Internet-Kaffi...

Ja vor knapp 2 oder 3 Wuche bin ich alleige vo Queenstown mitem Auto vo dä Manuela id Milfordsounds ufbroche. Milford Sounds isch än wunderschönä und beeidruckende Fijord. Am gliche Tag bin ich noh uf Invercargill abegröschtet, alles i allem a dem Tag, ca. 600 km. Dä Abig han ich im Backpacker mit Monopoly spillä verbracht, weiss Gott nöd wiä lang das ich nümä Monopoly gspillt han, aber isch luschtig gsi.

Am nächschte Tag bin ich mitemene Schiff uf d Stewart Island und ha detä 2 Täg verbracht. Ha binerä Iheimische Frau - Ringa-Ringa Rosi gschlafe. Sie isch ä althippie Frau und hät userhalb vo Hobart oberhalb vonnere Bucht gwohnt. Am erschtä Abig häts Papagei zum zNacht gäh. Und vill Wiiii und Stewart Island Chrut usem Garte - das isch än ganzen Heitere und Amüsante Abig worde... Am nächschte Tag bin ich uf d Ulva Island go Vögel beobachte, isch sehr spannend gsi, äs richtigs Vögel jage, aber nur mit dä Auge... Am Abig häts mich dänn wieder zur Ringa-Ringa Rosi tribe (sie stammt vo dä erschtä Wissä Siedler uf Steward Island ab). A dem Abed isch noh Ihri Kollegin, ä Düütschi ussidlerin verbicho und äs hät Banane-Pfannchueche, Wiiii und wieder sehr vill Stewart Island Chrut zNacht gäh. Isch zum todlache gsi, ich mit denä beidä alte Fraue. Eigendlich het ich a dem Abig sellä ufen Nachtwalk go Kiwivögel jage, aber min Zuestand häts nümä zuelah.... Am nächste Tag häts gheisse, bye bye Stewart Island. www.auroracharters.co.nz/images/Halfmoon-Bay.jpg

Danach bin ich uf Dunedin gange go Albatross (grösschti Seevögel) go aluegä. Ha mich gratis id Kolonie inegschliche und somit 30 Bätteldollar gspart. Am Abig han ich im Casino noh pokeret und us 100 Dollar 45o Dollar gmacht. Am nächschte Tag isch däfür sböse erwache cho. DPolizei hät mis Auto abgschleppt, verdammt, 100 Bugs hät dä gspass koschtet, oder wirds noh choschte... Verruckt bin ich us Dunedin usegfahre ab nach Omaru go Pinguine aluegä

Am Nummitag han ich scho Gelb-Auge Pinguine gseh, unglaublich lässig wiä diä watschlet. Am Abig bin ich noh go Blue-Pinguins go aluegä (diä chlinschti Pinguine-Art wos git)...

Am nägschte Tag häts gheisse, back to Queenstown, back to my friends.

Hoppala, ich mues langsam usem Internetkaffi verreise, schnellfassig....

Vo Queenstown us bin ich Richtig Norde dä Weschtküschte entlang unterwägs irgendwo wieder fründe vo dä Schuel troffe... Wunderschöni Gletscher, schroffi Küschtelandschaft und vill Wald (uferä spontanä Nachtjagd im Wald hämmer au än Kiwi-Vogel zgsicht becho - juhuiiii, well done)gseh. Das ganze hät öpä 7 Tag duret bis mer in Nelson acho sind. In Nelson händs dänn über dNacht au üses Auto usgraubt und mini Digitalkamera ... isch gstolle worde. Drum chan ich au kei Bilder ufelade - leider oder zum Glück, cheibe Blog und Bilder ufelade - gopfertelli ;). Ja ischen cheibe Seich gsi....

Und jetzt sitz ich in Christchurch und morn Morge gaht min Flüüger ab uf D Fijiiieees - juhuiii ändlich back to summer.

Sodelli mates, sorry für dä grossi afang und diä chruzfassig am schluss, bitte kei bösi Mails - gopfertelli gopfertammi....

Take care und hopp Friiiiburg

Pace y flores,
Alex

North to South

Sodelli sitemenä Ziitli bin ich nümä i dä Schuel. Sit am 1. März bin ich unterwägs, aber alles dä Reihä nah...

Am erschtä Tag simmer vo Mount Manganui nach Napier gfahre, leider isch dettä sones Festival gsi und mir händ niened ä Unterkunft gfunde, so simmer halt bis spat id Nacht inne durä düüset und händ schlussendlich im Auto gschlafe - lookin' good

Am nächste Tag simmer über ä absoluti Überlandstrass uf Castlepoint gfahre, äs wunderschöns Örtli direkt am Meer mit noh vill besserem Bier :) Aber gugsch du sälber... (das isch das bild mit em wisse Lüchturm - eimal meh, dä blog isch so en seich mit dä bilder, macht mi richtig hässig, cheibe internet, cheibe computer, cheibe pc-ware - ach nei letschterer cha nüt defür)

Nachene simmer wiiter as Cap Palliser go Seehünd aluegä, eifach traumhaft gsi. Äs paar Meter vo eus äwäg sinds am umetummle gsi und das nöd imenä Zoo sondern i dä freie Natur... gugsch du sälber - juhuiiii

Am Abig simmer dänn wiiter uf Wellington eis zwei drüü go trinke. In Wellington simmer dänn au noh än Tag meh blibe und sind go s'Nationalmuseeum (gratis) go aluegä, eifach dä hammer!!! Äs isch än Mix zwüschet Verkehrshuus, Technorama und äm Chinderzoo z'Rappi ;), nei im erschnt eifach dä hammer ober bänger.

Am Tag druff, das muess öpä 4. März gsi si, oder so... simmer mit dä Fähre uf d'Südinsle gfahre, isch mega lässig gsi. Mit dä Fähre fahrt mer wiä dur Fijord dure, eifach traumhaft, leider hät swätter nöd so mitgmacht. Am gliiche Tag simmer uf Keikoura, das isch ä Walbeobachtigsstadt, aber mir händ nöd vill gmacht ussert sälber kochet und alkohol trunke, as always....

Dänn isches scho ab nach Christchurch gange (eini vo dä schönschtä Städt in Neuseeland wo ich gseh han, bis jetzt). Nachdem mer acho sind, simmer is International Archtic Centre gange. Vo detä us werdet D'Antarktis Expeditione planet und vorbereitet. Äs isch unwahrschinlich spannend gsi (vill Informationen übers Läbä, s'Forsche und d'Entdeckige)... näbed bi hämmer nochli pinguine gseh alles i allem sehr idrucksvoll.

Am Abig simmer go fein ässe und is Casino, eifach super scheisse gsi. Ha am Schluss mit Ass König gäge König Queen und Queen Junge alles mis Gäld verlore... Flopp: A, K, 10... naja war ein netter Zeitvertreib....

Und so wiiter und so fort und jetzt bin ich scho äs paar Täg in Queenstown... So schnell isches dänn au nöd gange mir sind über schöni Strasse a schöne Seen dur schöni Wälder gfahre, eifach traumhaft.

Sodelli, das isch würkli dchurzfassig gsi. i dä nächste paar täg bechum ichs auto vo dä manuelä und gang id milford sounds und ganz in süde abe uf d'steward insle und ich hoffe ganz fescht das ich Kiwi's und Albatrosse gsehn :) Drucket mir bitte Düme, in diesem sinne G'day and pray for the last snow, lookin' good hasta luego

Nachtrag vo dä letschtä Täg in Mount Juhuiii

Im Hintergrund mini Homestay Mum - peace :)

Abschlussgrillparty bi minerä homestay im garte

Trip Last Weekend to East Cap

Am Beach in Mount (ich mit äm grüenä T-shirt)

Dä Lüüchtturm und dä sunnä Ufgang isch vom East Cap

--> Vedammt, dä Blogg isch ächli än Seich, ich schaffs niä richtig zum d'Föteli zbeschribä!

Sodelli, ich han mich wiedermal zämägrissä und ächli ziiit reserviert zum dä blogg ächli am läbe zerhalte...

Letscht Wuchenänd simmer as East Cap gange. Das isch dä öschtlichi Punkt vo Neuseeland. Nacherä wunderschönä und lange fahrt a dä Küschte entlang simmer am spöterä Abig i dä nöchi vom East Cap immenä Backpäcker acho... As always ächli trunke und so wiiter und so fort mit Guguluggu :)

Am nächschte Morge simmer sehr früeh ufgstande zum dä sunnä Ufgang go aluegä. S'East Cap isch ganz nöch a dä Datumsgränze drumm hämmer als einä vo dä erschtä Mänsche uf dä Wält dä Sunnäufgang gseh - eifach hammer unglaublich schön und friedlich. Söttigi plätzli findet mer nöd vill uf dä Wält!

Nacherä längerä Fahrt dä Küschte entlang simmer gäg dä Mittag in Gisborne acho. Wunderschöns traumhafts Beachwätter gsi... Nachemenä churze Zmittagässä am Strand hämmer eus wieder uf dä Rückwäg gmacht. Dermal dur dä Wald mit enerä atemberaubende Vegetation!

Sovill zum letschtä Wuchenänd...

News, News, NEWS:

Geschter Abig han ich äs riesä Barebecue bi mir di heimä organisiert. Äs sind gäg diä 30 Lüüt cho und äs hät richtig grockt (d'Föteli chömet noh)! Das Barebecue isch au glichziitig mis Abschlussbarebecue gsi. Ich verlah d'Schuel 1 Wuchä früener als dänkt. Am Samschtig fangt ändlich s'travellä ah. Äs gaht richtig Südinsle uf Queenstown. Vo detä wird ich wiiter ganz in Südä abereise, so wies usgseht gang ich uf d'Steward Island go Kiwi-Vögel und Albatross go aluegä und äs paar interessanti Wanderigä go mache... Wiäs dänn wiiter gaht han i kei ahnig, aber das isch au guet so. Ich lah mich eifach triiibe (juhuiii, kein Outlook Kaländer)!

Okkkeli dokkeli mates - take care änd gönd go snowboarde - peace und blüemli, alex

Bilder vo dä Waitanomo Caves

Another shit day in paradise

G'day,

Sodelli, ich han ändlich wiedermal ächli ziit gnoh zum mich mit dä ussewält zbeschäftige. Diä ziiit in Neuseeland rännt äso schnell, äs isch unvorstellbar. Momentan han i sovill um d'ohre das dschuel und anderi sache fascht ächli zchurz chunt...

Aber alles dä reihä nah...
Jedä Tag verbring ich sicher 3-6 Stund ufem Wasser am sörfe. As lauft vo tag zu tag besser, unglaublich äs macht so wahsinnig spasss. Mittlerwillä getrau ich mich au scho a diä ganz grosse wälle häre und han au scho diä eint oder ander cheibe guet breicht. (ja und mini ¨bühle am chopf und diä blaue fläcke sind au verschwunde - hihihi) ha i denä füf wuche rächt vill chraft im oberkörper ufbaue, chan mittlerwillä ohni grösseri problem ussäpaddle und das für stunde :) - juhuiii!

Ach ja, i Schuel gang i au noh... Han scho cheibe vill glärt, vorallem svorcabullary verbesseret... vill neue fründe gfunde und eifach dziit gnüsse.

Am Abig gits meischtens irgendwo äs barebecue oder mir gönd an strand äs bier go trinke oder downtown mt. manganui ine bar... äs isch so herrlich da, i felt in love. Isch kein verglich zum stressige Alttag diheime - ich ha sogar fascht ufghört zitterä - eifach genial! Mal luegä wiä lang das das herähebät wänn ich wieder zrugg bin ;) hihi ich mal jetzt nöd dä tüfel ad wand!

Sodelli, sit mim letschtä itrag bin i vill unterwägs gsi!
Vor 2 Wuchenänd simmer ufemenä 3-tägige Trip ad Weschtküschte gsi. Am erschtä Tag simmer ä höhli go durforschte, zerscht 30 meter abseilä und dänn unterirdisch dur flüssli und see dureschwummä. Überall isch alles volle glüewürmli gsi, eifach traumhaft, am spoterä nummitag simmer uf ragland (einä vo dä beschtä surferspots in neuseeland) go chille und am abig in usgang. Wiä immer hämmer im schlafsack unter dä stärne gschlafe, amazing.
Ufem Rückwäg ad Oschtküschte simmer noh äs paar Wasserfäll go aluegä (wiäs sichs ghört mit iiis küehlte bier und guguluggu ;) )

Letscht Wuchenänd isches annes Reagge-Festival uf Roturua gange (ganz Roturua schmöckt nach Schwäffel, ich han noh niä so öppis erläbt). Äs händ unter anderem the wailers, UB40, The Black Seeds.... gspillt, äs isch eifach fuckin ay ;) Aber für 30'000 häts genau 3 Bierständ gha, was unter anderem 1.5 Stunde astah bedütet hät (aber nöd für eus, mir sind ja schliesslich turischte, no understand inglisch, what?, switzerland? beauuutifol.... mir sind immer vorne id reihe inegschliche und händ eus für dumm verchauft - das isch än chline bonus.

----- In chürze werdet au bilder vo dä vergangenä Täg nahglifferet.------

Ich pack mini sache und gang ab an strand mit äm surfboard und mim wetsuite - juhuiii!!! Muen hüt abig pünktlich siii, isch ja schliesslich fritig abig barebecue :)

In diesem sinne, choice bro' sweet as und so wiiiter und so fort,

pace y flores,
alex

Weekendtrip

Und wiiter gahts... letschts wuchenänd sind mir ufemenä 2-tägige trip gsi...

nachem barebeque, am fritig abig, simmer gäg die 11i richtig tangaruira abgfahre. gäg diä morge am drüüü und polizeikontrolle simmer dänn im dörfli acho und händ 2 stund verusse gschlafe. dänn isches loos gange (gott-sei-dank, han i noh cheibe vill alkohol im bluet gha) und mir sind uf diä 7 stündig wanderig entlang vo vulcän und vulcansee ufbroche. isch eifach herrlich, aber asträngend gsi.

am abig hämmer ufem campingplatz äs gedignigs barebecue gmacht, eifach mega chillig gsi. bier trunke, fein gässe (mhhh muschle). Dä abig hämmer dänn mit pingpong mätschli abgrundet. lagomio han ich lang nümä pingpong gspillt :)

Am nächste tag simmer mit em büssli und channe voll bier richtig mount zrugg gfahre. unterwägs simmer wieder einiges go aluegä, craters of the moon (pics obedrah) alts maori doerfli und tüüf id bierdose inegügslet. dä abig hät schlussendlich bi mir bi minerä homestay family im garte gändet... mit bierli... eifach äs super weekend gsi...

Geschter isch mäntig gsi, und mäntig isch in mount dä poker abig. letscht wuche han i dritte gmacht und diä wuche bin i uf platz 2 glandet (ha aber mega päch gha - hett eigendlich dä erschti platz verdient, but anyway, nächscht wuche - hihi)

meh gitts spöter, und bitte kei bösi mails meh, vowägä, ich segg kein flissige blogg schriber ;)

diä letschtä paar täg

bilder oben sind vom letschtä wuchenänd vom trip

bild links vom trip letscht wuchenänd... und rächts vom schuelheiwäg (nordring - hihii ;)

bild links dä au vo mim heiwäg, dä gubrist ;)

Wienner gmärkt händ bin ich nöd so dä bloggschriber nr. 1... ich verbringe zur ziit mini ziit total anderscht. kei compi und gar nüüt. nur schuel, surfe und am abig downtown für bier and more :)

Da in Mount Maunganui isches herrlich. traumhaft... Kei verplanti wuche, eifach luege wies chunt, das isch herrlich. Letscht weekend simmer ufemene 1tagestrip nach coromandel gsi... traumhafti wälder gseh (kaoribäum, teilwiis über 2000 jahr alt) und nachene wunderschöni plätzli am meer gfunde isch eifach herrlich... vill bier drunke und funny cigarettes graucht. hanmmer!!

sodelli, hüt isch scho wieder friitig. fertig schuel, bald ab is meer go surfe (cha scho dkurve uf beidi siiite mache - juhuii) und am abed isch barebeque agseit, as well. a dem weekend gömmer wieder ufen trip, dermall 2täg go wandere,,,, pics folget.

also machets guet and see you soon, rocket nochli dberge und pokertable für mich. apropos, ha am letschtä mäntig bim locale pokerturnier 3. gmacht und hann ächli gäld und bar-trink-guetschi gwunnä...

piiiis my friends,

alex

Mount Maunganui

hellau friends,
sitt aes paar taeg bin ich in mount a de langugae schuel. aesch isch raecht luschtig, haet eifach aechli vill schwiiizer... anyway gitt schlimmers. ha scho än rächt "gordnete" tagesablauf - am morge schuel bis am drüüü, dänn downtown äs bier go näh oder go shoppe und nachene an go sörfe. has scho am erschtä tag gschafft zum ufstah, eifach hammer. nochenä wird is wieder versueche, äs macht mega dä plausch, au wänns di mängmal voll durespüelt und underwasser druckt. eifach geduld ha, irgendwänn chunsch scho wieder ad wasseroberflächi - hihihi

ja ich tue noh äs paar bilder ine. diä han ich ufem heiwäg vo dä schuel gmacht. ich ha a bsunderä eggä oder stellä liebivollä nämä wie gubrist, nordring, aatal... gäh. dä heiwäg isch aber nöd mit em normale zverglichä. da isches eifach nur paradisisch - juhuiii.

sodelli, gugsch du die bilder und ich bin scho wieder unterwägs an beach zum sörfe (händ zwar geschter hai gsichtet, aber dä bueb vo dä homestay hät gseit es seggi easy... will see)

pace y flores amigos - g´day

ja scheisse, ha kei batterie meh, also mues dä upload warte - easy doing

auckland

Picture: partynight in auckland

auckland

Hola amigos,

Sitt as paar taeg bin ich da im paradies... Dakunft in auckland isch raecht luschtig gsi... bin znacht gaeg dia halbi 3 downtown im backpacker acho, dur dziitverschiebig han i noed choena pfuse drumm isches bis am morge frueh id clubs gange :)

nachere churze nacht bin i dstadt go erkundae und han diversi sache kauft. aes isch cheibe billig in nz. irgendoepis haet mit minere kreditcharte (#scheiss visa#) noed klappet. schlussendlich isch sii im automat izoge worde... hmmm ha noh aes paar bugs gha und gfunda, das ich diae choenti im casino bimenae poker cash table verdopple, also nix wiae loos.
leider isches daenn anderscht usecho als i daenkt han!!!! mit ass koenig uf dae hand und ass ufem flopp han ich daenn gega aen chinese verlore (er haet 4 / 7 gha) und verwuetscht ufem river noh sis 3te vieri... naja... ha nur noh dhelfti vom chluetter gha und relativ konsterniert bin ich usem casino gloffe... ab aes paar bierli go chaufe.
schlussendlich han i im pub as paar jungs usem hohe norde und south america troffe, witter gange inen club bis i alli fruenae morgestunde. das sind super type und frau gsi, diae haend mir dae ganzi abig zallt - ein shot nachem andere - hihihihi

sodelli, bald lad ich dfoeteli vo auckland und em naechtliche usgang ufe....

take care mates - und rocket nochli dbergae fuer mich... ich gang jetzt gad wieder go surfe - yes :) wie und was wo in mount maunganui folgt spoeter

pace z flores,
alex im paradies